«QMP Qazmedpribor» ЖШС — Қазақстандағы медициналық жабдықтар шығаратын ірі зауыттардың бірі. Компания өз жолын жиһаз өндіретін шағын цехтан бастаған, ал бүгінде оның өнімдері елдің барлық өңіріндегі жетекші клиникаларда қолданылады.
Зауытта 300-ден астам өнім түрі шығарылады: медициналық жиһаз, операциялық үстелдер, шамдар, консольдер, рентген аппараттары және басқа да заманауи жабдықтар. Барлық өнімдер халықаралық сапа стандарттарына сай және ТМД мен Еуропа елдеріне экспорттауға қажетті сертификаттарға ие.
Компания жедел жәрдем көліктері мен арнайы медициналық автокөліктерді жабдықтаумен де айналысады. Оларға реанимобильдер, дентомобильдер, неонаталдық машиналар және жылжымалы медициналық кешендер жатады. Бұл техника өзінің сенімділігі мен сапасын дәлелдеген.
Компанияның миссиясы — Қазақстандағы медициналық техника нарығында көшбасшы болу және отандық медицинаны халықаралық деңгейге көтеру. «QMP Qazmedpribor» компаниясының клиенттері — елдегі жетекші клиникалар мен медициналық орталықтар.
2025 жылы компания «Даму» Қорының «Өрлеу» бағдарламасы аясында жеңілдетілген мөлшерлемемен — жылына 12,6% — «Банк ЦентрКредит» АҚ-нан айналым қаражатын толықтыру үшін қаржыландыру алды.
Кәсіпорынның басты мақсаты — Қазақстан мен көршілес елдерді қолжетімді әрі сапалы медициналық техникамен қамтамасыз ету. Бүгінде «QMP Qazmedpribor» өсуді, инновацияларды енгізуді және халықаралық нарықтағы позициясын нығайтуды жалғастыруда.
