Түркістан облысында халықты жұмыспен қамту және әлеуметтік қолдау бағытында жүйелі жұмыстар атқарылып жатыр. 2025 жылдың III тоқсанының қорытындысымен облыстағы жұмыссыздық деңгейі 4,6 пайызды құрады. Өңірде әлеуметтік-экономикалық көрсеткіштердің жақсаруы нәтижесінде орташа айлық жалақы III тоқсанның қорытындысымен 288,6 мың теңгеге жетіп, өткен жылдың тиісті кезеңімен салыстырғанда 8,3 пайызға артты.
Өткен жылы өңірде ауқымды жұмыспен қамту шаралары жүзеге асырылды. Аталған бастамалар аясында 130 769 адамды еңбекпен қамту бағдарламаларына тарту жоспарланып, нақты шаралар қабылданды. Оның ішінде 45 086 адам субсидияланатын жұмыс орындарына орналастыру, 57 221 адамды тұрақты жұмыспен қамту көзделіп, өңірдегі жұмыс орындарының санын арттыруға басымдық берілді. Бұдан бөлек, «10 мың тұрғынға 100 жаңа жұмыс орнын ашу» бағдарламасы аясында 22 595 адамды жұмыспен қамту жоспарланып, кәсіпкерлік белсенділікті арттыру және жаңа жұмыс орындарын құруға жағдай жасалды. Сондай-ақ 1 793 азаматқа грант беру арқылы өз ісін бастауға қолдау көрсету, 4 074 адамды электрондық еңбек биржасы арқылы жұмысқа орналастыру межесі қойылды.
Атқарылған жұмыстардың нәтижесінде жыл қорытындысымен 147 719 адам жұмыспен қамтылып, еңбек нарығындағы белсенділік артты. Оның ішінде 48 032 азамат мемлекеттік жұмыспен қамту шараларына қатысса, ал 99 687 адам жаңа жұмыс орындарын жұмысқа орналасты. Бұл көрсеткіштер өңір экономикасының дамуы мен жаңа жұмыс орындарын құруға бағытталған шаралардың тиімділігін көрсетеді.
Әлеуметтік қолдауды қажет ететін азаматтарды қорғау мақсатында 2026 жылдың 1 қаңтарына 10 мың отбасына, яғни 62,2 мың адамға жалпы сомасы 6 062,4 млн теңге көлемінде атаулы әлеуметтік көмек тағайындалды. 2024 жылдың тиісті кезеңімен салыстырғанда атаулы әлеуметтік көмек алушылар саны 34,4 пайызға төмендеді. Бұл көрсеткіш халықтың табысының артып, өзін-өзі жұмыспен қамту деңгейінің жақсарғанын көрсетеді.
Бұл шаралар өңірдегі әлеуметтік тұрақтылықты сақтауға және халықтың әл-ауқатын арттыруға бағытталған.
Айта кетейік, 2026 жылғы 1 қаңтар айындағы дерек бойынша облыс халқының саны 2 148,6 мың адамды құрады. Оның ішінде қала халқы – 545,3 мың адам немесе 25,4 пайызды, ал ауыл халқы – 1 603,4 мың адам немесе 74,6 пайызды құрайды. Өңір халқының басым бөлігінің ауылдық жерлерде тұрғандықтан, ауылдық аумақтарды дамытуға басымдық берілуде.
2025 жылы облыс тұрғындарын жұмыс орындарымен қамту және жұмыссыздық деңгейін төмендету мақсатында «Өңірлік жұмыспен қамту картасы» бекітілген болатын. Нәтижесінде былтыр 147 719 азамат жұмыспен қамтылды. Оның ішінде 100 046 тұрғын тұрақты жұмысқа орналасса , ал 47 673 азамат уақытша жұмыспен қамтылды. Бұл туралы брифингте Түркістан облысының жұмыспен қамтуды үйлестіру және әлеуметтік бағдарламалар басқармасының басшысы Мекенхан Қозыханұлы мәлімдеді.
«Қазіргі таңда облыста 822 014 азамат жұмыспен қамтылған. Олардың ішінде жалдамалы қызметкерлер саны – 442 211, өздігінше жұмыспен қамтылғандардың саны – 379 803. Өңірдегі 40 мыңға жуық тұрғын жұмыссыз ретінде тіркелген. Аймақтағы жұмыссыздық деңгейі – 4,6%, жастар арасындағы жұмыссыздық деңгейі – 1,8%, ал әйелдер арасында – 5,4%. Сондай-ақ, 31 мыңнан астам азамат мемлекет тарапынан субсидияланатын жұмыс орындарына жолданды. Ұлттық жобалар аясында 357 жоба жүзеге асырылып, 4 333 жұмыс орны ашылды. Мемлекет басшысының «10 мың тұрғынға 100 жаңа жұмыс орындарын құру» тапсырмасына сәйкес өңірде 35 917 жұмыс орны ашылды. Жаңа бизнес жобаларды дамыту үшін 400 айлық есептік көрсеткіште 1 792 адамға 2,8 млрд теңгеге грант берілді. Биыл «Өңірлік жұмыспен қамту картасы» аясында 74 516 адамды жұмыспен қамту жоспарлануда. 2026 жылы облыста 77 инвестициялық жоба жүзеге асырылып, 1 136 жұмыс орнын ашу жоспарлануда. Бұдан өзге, пробация қызметінің есебінде тұрған адамдар үшін 2025 жылы бекітілген 177 квота орындары толығымен орындалып, 2026 жылға 119 мекемеге 180 квота орындары бекітілді. Былтыр облыста 62 244 адамға 6,1 млрд теңгеге атаулы әлеуметтік көмек төленді. 2026 жылы кедейлікті төмендету мақсатында 59,1 мың адамды АӘК-пен қамтамасыз ету жоспарланып, бұл мақсатқа 6,5 млрд теңге бөлінді» – деп баяндады басқарама басшысы.
Мемлекет басшысының тапсырмасымен аудан-қалаларда 17 Отбасын қолдау орталығы ашылды. Онда 6 667 азаматқа қызмет көрсетілген. Өңірде 102 401 адам мүгедектігі бойынша есепте тұр. 2025 жылы мүгедектігі бар адамдардың құқықтарын қорғауға жалпы көлемі 19,6 млрд теңге бөлінді.
